11-Adas saylov okrugidan saylangan deputat Usmonov Azamat Murtozoyevich Sariosiyo mahallasiga tashrif buyurib, ishsiz yoshlar bilan ochiq muloqot o‘tkazdi.

Uchrashuv davomida yoshlar bandligini ta’minlash, ularni doimiy ish o‘rinlariga joylashtirish hamda kasb-hunarga yo‘naltirish masalalari atroflicha muhokama qilindi. Yoshlar tomonidan bildirilgan murojaat va takliflar diqqat bilan tinglanib, ularni ijobiy hal etish yuzasidan tegishli tavsiyalar berildi.

Shuningdek, yoshlarni tadbirkorlik faoliyatiga keng jalb etish, mavjud bo‘sh ish o‘rinlari hamda kasb-hunar kurslari imkoniyatlaridan samarali foydalanish bo‘yicha tushuntirish ishlari olib borildi.

t.me/Toyloq_tuman_Kengashi