Uchrashuv davomida saylovchilarni qiynab kelayotgan dolzarb masalalar, mahallalarda amalga oshirilayotgan islohotlar hamda aholi turmush sharoitini yaxshilash borasidagi ishlar muhokama qilindi. Shuningdek, fuqarolar tomonidan bildirilgan murojaatlar tinglanib, ularning yechimi yuzasidan tegishli mas’ullar bilan hamkorlikda chora-tadbirlar belgilab olindi. Uchrashuv jarayonida yoshlar tarbiyasi, bandlik, ijtimoiy himoya, ta’lim va sport sohasidagi muammolar ham alohida e’tiborga olindi. Deputat tomonidan saylovchilar bilan doimiy muloqotni kuchaytirish, aholi muammolarini joyida o‘rganish va ularni hal etish bo‘yicha tizimli ishlar davom ettirilishi ta’kidlandi. Bunday uchrashuvlar fuqarolar bilan yaqin hamkorlikni mustahkamlash, ularning taklif va fikrlarini inobatga olgan holda hududni rivojlantirishga xizmat qiladi.