Nurafshon shahridagi 26-sonli umumta’lim maktabida bitiruvchi yoshlarni ish bilan ta’minlash va ularni tadbirkorlikka jalb qilish maqsadida "Mehnat yarmarkasi" tashkil etildi.

Mazkur tadbir xalq deputatlari Nurafshon shahar Kengashining ikki faol deputati:

Adolat SDPdan 9-Bobur saylov okrugi deputati K.Umarboyev;

O‘zbekiston Ekologik partiyasidan 17-Hurriyat saylov okrugi deputati N.Niyozov tashabbusi bilan amalga oshirildi.

Yarmarka doirasida: Tadbirda shahar Bandlikka ko‘maklashish markazi vakillari, mahalliy tadbirkorlar va hunarmandlar ishtirok etdi. Bitiruvchi yoshlar o‘zlarini qiziqtirgan sohalar bo‘yicha mutaxassislar bilan suhbatlashib, kelgusida bandlik masalasida yo‘llanmalar va maslahatlar oldilar.

"Bizning maqsadimiz — har bir yosh o‘z qobiliyatiga yarasha ish topishi va jamiyatda munosib o‘rin egallashiga ko‘maklashishdir," — deb ta’kidladi deputat K.Umarboyev.