Tashrif davomida muassasada bolalar uchun yaratilgan sharoitlar, ta’lim-tarbiya jarayonining samaradorligi, shuningdek, qish mavsumida muhim ahamiyatga ega bo‘lgan issiqlik tizimining holati atroflicha o‘rganildi. Deputat tomonidan mavjud infratuzilma, guruh xonalari, ovqatlanish sharoitlari va xavfsizlik masalalariga alohida e’tibor qaratildi.

 Shuningdek, tashrif doirasida pedagog va ishchi xodimlar bilan ochiq muloqot tashkil etilib, unda “O‘zbekiston – 2030” strategiyasining asosiy yo‘nalishlari, korrupsiyaga qarshi kurashish, kiberjinoyatchilikning oldini olish va axborot xavfsizligi mavzularida ma’ruzalar o‘tkazildi.

 Mazkur uchrashuvlar jarayonida xodimlarning fikr-mulohazalari, taklif va murojaatlari tinglanib, ularni qiynayotgan masalalar ochiq muhokama qilindi. Tahlil jarayonida muassasada mavjud ayrim muammolar aniqlanib, ularni bartaraf etish yuzasidan tegishli tashkilotlarga deputat so‘rovlari yuborilishi belgilandi. Bu orqali aniqlangan masalalarga huquqiy va amaliy yechim topish ko‘zda tutilmoqda.