Yettinchi chaqiriq Xalq deputatlari Oltinko‘l tumani Kengashining o‘n birinchi sessiyasi bo‘lib o‘tdi. Unda tuman Kengashi deputatlari hamda tegishli korxona va tashkilot rahbarlari ishtirok etdi.

Sessiya kun tartibiga 7 ta masala kiritilib, ular yuzasidan mas’ullarning hisobotlari tinglandi. Jumladan, shaharsozlik hujjatlari ijrosi, “Infratuzilma va ijtimoiy barqarorlik” jamg‘armasi mablag‘laridan foydalanish, to‘y va marosimlarni tartibga solish bo‘yicha amalga oshirilgan ishlar muhokama qilindi. Shuningdek, Oltinko‘l tumanining 2026-yilgi mahalliy byudjeti tasdiqlandi hamda amaldagi Kengash qaroriga o‘zgartirishlar kiritildi.

Kun tartibidagi barcha masalalar yuzasidan tegishli Kengash qarorlari qabul qilindi.