Ko‘l ota okrugida sport inshootlari va jihozlar deputat nazoratida 

Mahallalarda aholi va bolalar uchun sport inshootlari, umumta’lim maktablari, kolledj va
akademik litseylar sport zallari hamda ulardagi sport anjomlari mavjudligi va
ularning holati aholi salomatligi va bolalarning sport bilan shug‘ullanishi
uchun muhim ahamiyatga ega. Shu maqsadda 24-Ko‘lota saylov okrug deputati
B. Raxmonova tomonidan 29-maktabdagi sport zallari va jihozlar holati
o‘rganildi. 

Tashrif davomida deputat maktab sport zallarining jihozlari, sport inventarlari va ularning
ishlash holati bilan tanishdi. Shuningdek, maktab xodimlari va o‘quvchilar
bilan suhbatlar olib borilib, sport anjomlaridan samarali foydalanish va ularni
qayta ta’minlash masalalari muhokama qilindi. 

B. Raxmonova ta’kidlashicha, sport obektlari va jihozlardan to‘g‘ri va samarali foydalanish
bolalarning jismoniy rivojlanishi va sog‘lom turmush tarziga ta’sir qiladi.
Ushbu nazorat ishlari kelgusida ham izchil davom ettiriladi.