Xalq deputatlari Bekobod shahar kengashi deputati T.Niyazov shahardagi “Yoshlik” mahallasidagi 5-sonli o‘rta ta’lim maktabida “Uch avlod uchrashuvi” tadbirida ishtirok etdi. Hamkorlikda tashkil etilgan mazkur tadbirda “Nuroniy” jamg‘armasi shahar bo‘limi, RMM shahar bo‘linmasi, IIB xodimlari, “Yoshlik”, “Do‘stlik” va “Paxtakor” mahallalari yettiligi a’zolari hamda yoshlar ishtirok etdilar. Tadbirning asosiy maqsadi keksalarga hurmat-ehtirom ko‘rsatish, avlodlar o‘rtasidagi uzviylikni mustahkamlash, yoshlarni milliy qadriyatlar, odob-axloq, vatanparvarlik va oilaviy tarbiya ruhida kamol toptirishdan iborat bo‘ldi. Uchrashuv davomida nuroniylar tomonidan hayotiy
tajribalar, ibratli xotiralar va pand-nasihatlar bilan o‘rtoqlashildi. Shuningdek, tadbirda yoshlar o‘rtasida huquqbuzarliklarni oldini olish, sog‘lom turmush tarzini targ‘ib etish, kitobxonlik va ilm-fanga bo‘lgan qiziqishni
oshirish masalalariga alohida e’tibor qaratildi.