Xalq deputatlari Chinoz tumani Kengashi deputati Laziz O‘tkirov tomonidan Chinoz tumani Qurilish va kommunal xo‘jaliklari bo‘limida O‘zbekiston Respublikasining 2023-yil 16-avgustdagi “Ko‘chmas mulkka bo‘lgan huquqlarni davlat ro‘yxatidan o‘tkazish to‘g‘risida”gi O‘RQ–803-sonli Qonuni ijrosining holati o‘rganildi.

O‘rganish jarayonida mazkur Qonun talablarining amaliyotga tatbiq etilishi, ko‘chmas mulk obyektlarini davlat ro‘yxatidan o‘tkazish tartiblariga rioya qilinishi, hujjatlarni rasmiylashtirish jarayonlarining shaffofligi hamda fuqarolar va tadbirkorlik subyektlariga ko‘rsatilayotgan xizmatlar sifati tahlil qilindi.

Shuningdek, aniqlangan kamchiliklar va mavjud muammolar yuzasidan mas’ul mutasaddilarga tegishli tavsiyalar berildi hamda Qonun ijrosini yanada samarali tashkil etish bo‘yicha aniq vazifalar belgilandi.