Xalq deputatlari Chinoz tumani Kengashi deputati Olimjon Isoqov Abu Ali ibn Sino nomidagi ixtisoslashtirilgan maktabning Chinoz tumani filialida bo'lib, kuz-qish mavsumiga tayyorgarlik jarayonlari, xususan, ta’lim muassasasidagi isitish tizimlarining texnik holati, ularning samarali ishlashi hamda xavfsizlik holatlari o‘rganildi.

Deputat tomonidan sinfxonalar, o‘quv va yordamchi binolardagi issiqlik ta’minoti ko‘zdan kechirilib, mavjud kamchiliklarni bartaraf etish bo‘yicha tegishli tavsiyalar berildi.

Shuningdek, o‘quvchilarning qish mavsumida qulay va sog‘lom sharoitda ta’lim olishini ta’minlash masalalari muhokama qilinib, isitish tizimlarini barqaror ishlashini ta’minlash yuzasidan mas’ul tashkilotlar zimmasiga aniq vazifalar yuklatildi.