O‘zbekiston Respublikasi Oliy Majlisi Senati Kengashining 2025-yil 14-yanvardagi KQ-35-sonli qarorining ijrosi yuzasidan Termiz shahar “Guliston” MFYda xalq deputatlari Termiz shahar Kengashiga O‘zbekiston Liberal-demokratik partiyasidan saylangan deputat F.Homidov hamda “mahalla vakillari” ishtirokida aholini ijtimoiy xizmatlardan xabardorligini oshirish bo‘yicha yig‘ilish bo‘lib o‘tdi.

Yig‘ilishda deputat mahallada aholini moddiy va ijtimoiy qo‘llab-quvvatlash ishlarini tashkil etish, kambag‘al oilalarga ajratilayotgan mablag‘larni maqsadli va manzilli yo‘naltirish hamda mamlakatimizda amalga oshirilayotgan demokratik islohotlarning ahamiyatini aholiga yetkazish borasida o‘z fikr-mulohazalarini bildirdi.

Shundan so'ng, deputat tomonidan mahallada aholi bandligini ta’minlash, yoshlarni bo‘sh vaqtini mazmunli tashkil etish, ayollar daftarining yuritilshi, keksa va nogironlarga ijtimoiy yordam ko‘rsatish kabi masalalarda amalga oshirilgan ishlarini o‘rganib chiqildi.

O'rganish davomida hududda mavjud muammolar, fuqarolar tomonidan berilgan takliflar yechimi yuzasidan rejalar tuzilib, fuqarolar murojaatlari  tegishli tashkilotlarga deputatlik so'rovlari yuborilishi belgilab olindi.