Qiziltepa tumanida ekologiya va obodonlashtirish masalalariga qaratilgan amaliy ishlar izchil davom etmoqda.

Jumladan, Oʻzbekiston Ekologik partiyasi Qiziltepa tuman Kengashi raisi hamda partiyadan saylangan Xalq deputatlari tuman Kengashi deputati tomonidan Malikobod MFYda joylashgan 31-umumiy oʻrta taʼlim maktabida “Yashil makon” umummilliy loyihasi doirasida ekoreyd tadbiri tashkil etildi.

Tadbir davomida maktab hududini obodonlashtirish, atrof-muhitni yanada yashil va ozoda holga keltirish masalalariga alohida eʼtibor qaratildi. Xususan, “Yashil makon” loyihasi doirasida maktab hovlisiga va unga tutash hududlarga 250 ga yaqin mevali hamda manzarali daraxt ko‘chatlari ekildi.

Shuningdek, ekoreyd jarayonida chiqindilarni saralash va qayta ishlash madaniyatini shakllantirish maqsadida plastik idishlar uchun mo‘ljallangan maxsus bak tayyorlangan.