Joriy yilning 18-dekabr kuni xalq deputatlari Muzrabot tumani Kengashining Mahalliy budjet, tadbirkorlikni rivojlantirish va iqtisodiy islohotlar bo‘yicha doimiy komissiyasining navbatdagi yig‘ilishi bo‘lib o‘tdi.

Kun tartibidagi masala bo‘yicha Muzrabot tumanida yuridik va jismoniy shaxslarning qishloq xo‘jaligiga mo‘ljallanmagan yerlariga 2026-yil uchun yer solig‘i stavkalarini belgilash hamda suv resurslaridan va yer qa’ridan foydalanganlik uchun bazaviy soliq stavkalariga qo‘llaniladigan kamaytiruvchi va oshiruvchi koeffitsiyentlarni qo‘llash to‘g‘risida tuman soliq inspeksiyasi boshlig‘i o‘rinbosari A.X.Nurmamatovning hisoboti dastlabki tarzda ko‘rib chiqildi.

Ma’sul rahbar hisobotidan so‘ng muhokama jarayonlari boshlandi. Doimiy komissiya a’zolari tomonidan ma’ruzachiga savollar berildi. Shuningdek, yig‘ilish ishtirokchilarining fikr-mulohazalari ham tinglandi.

Muhokama yakuni bo‘yicha doimiy komissiyaning tegishli qarori qabul qilindi.