Xalq deputatlari Zarbdor tuman Kengashi 3-Yangiobod saylov okrugi deputati M.Gaipov tumandagi "Shodlik" mahallasida joylashgan oilaviy poliklinikada nazorat tashrifi amalga oshirdi. Tashrif davomida deputat poliklinika infratuzilmasi, tibbiy xizmat sifati, xodimlarning malakasi, dori‑darmon va zarur tibbiy materiallar ta’minoti, bemorlar bilan muloqot jarayonlarini atroflicha o‘rgandi.
Poliklinika "Shodlik", "Do‘stlik", "Navro‘z" va "Yangiobod" mahallalarida istiqomat qiluvchi aholiga birinchi darajali tibbiy xizmat ko‘rsatadi. Tashrif natijasida aniqlangan muammolar va takliflarni mas'ullarga yetkazish bo'yicha chora-tadbirlar belgilab olindi hamda xizmat sifatini oshirish bo‘yicha tavsiyalar berildi.
Deputatning nazorati aholiga sifatli tibbiy yordam ko‘rsatishni ta’minlash, poliklinika faoliyatini samarali nazorat qilish va xodimlarning ish sharoitini yaxshilashga qaratilgan.