🔰Хонқа туманидаги “Пахтагул” маҳалласи аҳолисига R-9 канали қазиш жараёнида олиб чиқилган тупроқ уюмлари қатнов йўли бўйлаб ташлаб кетилгани пиёдалар юриши ҳамда автотранспорт воситалари ҳаракатида жиддий муаммоларни келтириб чиқарди.

Мазкур ҳолат юзасидан халқ депутатлари Хонқа туман Кенгаши депутати Нодира Султанова томонидан тегишли ташкилотларга депутатлик сўрови юборилди. Сўровда аҳоли учун қулай шароит яратиш, йўлни қайта тиклаш ва юзага келган ҳолатни бартараф этиш масалалари кўтарилди.

✔️Депутатлик назорати асосида ўтказилган ўрганишлар ва расмий мурожаатлар натижасида мутасадди ташкилотлар томонидан тезкор чоралар кўрилди. Хусусан, канал бўйлаб тупроқ уюмларини текислаш, қатнов йўлларини аввалги ҳолатига қайтариш ишлари амалга оширилди. Мутасаддилар томонидан мазкур ишлар тўлиқ бажарилгани ва йўл ҳаракатидаги тўсиқлар бартараф этилгани расман маълум қилинди.

🔹Шу ўринда қайд этиш жоизки, депутатлик назорати жойларда аниқ муаммоларни ҳал қилишда муҳим восита бўлиб хизмат қилмоқда. Буларнинг барчаси аҳоли фаровонлигини таъминлаш, уларнинг турмуш шароитини яхшилашга хизмат қилади.

Xalq deputatlari Xonqa tuman Kengashi deputatlari S.Rahmanov, N.Sultonova, R.Allaberganova