Өзбекстан Халық демократиялық партиясы Қарақалпақстан Республикалық Кеңеси тәрепинен Партия шөлкемлери ҳәм депутатлық бирлеспелериниң жумысларын еледе жетилистириўге бағышланған жыйналыс өткерилди. 

Онда Өзбекстан Халық демократиялық партиясы Қарақалпақстан Республикалық Кеңеси басшы ҳәм жуўаплы хызметкерлери, Халық депутатлары Нөкис районлық Кеңесиндеги партия топары ағзалары ҳәм ғалаба хабар қуралларының ўәкиллери қатнасты.

Жыйналыс күн тәртибинде партия шөлкемлери ҳәм депутатлық бирлеспелериниң жумысларын еледе жетилистириў барысында районлық партия кеңеси ҳәм Халық депутатлары Нөкис районлық Кеңесиндеги партия топары ағзалары тәрепинен орынларда алып барылған үгит-нәсият жумыслары, әмелий илажлар ҳәм ушырасыўларда партия электораты мәплеринен келип шыққан ҳалда, Өзбекстан Халық демократиялық партиясының Сайлаўалды бағдарламасында белгиленген ўазыйпалардың орынланыўын тәмийинлеў мәселелери додаланды.

Илаж жуўмағында Өзбекстан Халық демократиялық партиясы Қарақалпақстан Республикалық Кеңеси тәрепинен партияның Нөкис районлық кеңесине жаңа заманагөй компьютер тапсырылды.