2025-жыл 7-апрель күни «Қараой» АПЖ аймағындағы 10-санлы мектепте Өзбекстан ХДП Қарақалпақстан Республикасы Жоқарғы Кеңеси депутаты А.Аллиярова ҳәм районлық Кеңес депутаты В.Даўлетияровалардың сайлаўшылар менен 2025-жылдың биринши шерегинде әмелге асырылған жумыслары бойынша есабат бериў ушырасыўы болып өтти. Ушырасыўға «Қараой» АПЖ, «Өзбекстан» МПЖ пуқаралары, 10-санлы мектептиң педагог кадрлары, жаслар қатнасты.

Жыйналысты Өзбекстан ХДП Тахтакөпир районлық Кеңеси баслығы Қ.Жалиев алып барды.

Ушырасыўда депутатлар мәмлекетимизде болып атырған Халықаралық сиясый саммитлар, Нөкис қаласында өткерилген «Арал мәденияты» саммитиниң мазмуны ҳәм әҳмийети, сондай-ақ, 2025-жылдың өткен дәўиринде районда, соның ишинде «Қараой» ҳәм «Өзбекстан» МПЖ ларда әмелге асырылып атырған жумыслар, жыл даўамында ислениўи режелестирилген жойбарлар ҳаққында сайлаўшыларға мағлыўмат берди.

Ушырасыў даўамында сайлаўшылардың усыныс,машқалалары тыңланды.

Slide 1 of 1