Deputatlik so‘rovidan so‘ng ko‘prikni ta’mirlash ishlari boshlandi

➡️ Oldin xabar berilganidek Xalq deputatlari Taxiatosh tumani Kengashiga O‘zbekiston Ekologik partiyasidan saylangan deputat Matniyazov Akbar Qadirovich tomonidan “Yangi makon” OFY hududidagi “Keneges” kanali ustidan o‘tuvchi, “Ketmonchi bobo” qabristoni yaqinida joylashgan ko‘prikning avariya holati yuzasidan deputatlik so‘rovi yuborilgan edi.

🛠 Bugun mazkur ko‘prikda ta’mirlash ishlari olib borildi. Bu ishlar avval ko‘tarilgan masalaning amaliy jihatdan ko‘rib chiqilayotganini ko‘rsatadi.

📍 Deputatlik so‘rovida ko‘prikni ta’mirlash yoki qayta qurish masalasiga e’tibor qaratilib, mahalla aholisi uchun xavfsiz va qulay harakatlanish sharoitini yaratishda amaliy yordam so‘ralgan edi.

🤝 Aholi uchun muhim bo‘lgan infratuzilma muammolarini ko‘tarish, ularning hal etilishi jarayonini kuzatib borish va mas’ul tashkilotlar e’tiborini dolzarb masalalarga qaratish deputatlik faoliyatining muhim yo‘nalishlaridan biridir.