Xalq deputatlari Sardoba tumani Kengashi kotibiyati mudiri Q.O‘tayev hamda tuman Kengashi deputati J.Otajonov tomonidan Do‘stlik mahallasida joylashgan 13-sonli umumta’lim maktabida kuz-qish mavsumiga tayyorgarlik holati va issiqlik tizimining ishlash jarayoni yaqindan o‘rganildi.
O‘rganish davomida maktabning mavsumga tayyorgarligi, ta’lim muassasasida o‘quvchilar uchun munosib va qulay sharoit yaratish, sinf xonalarini issiqlik bilan ta’minlash hamda isitish tizimining samarali ishlash holatiga alohida e’tibor qaratildi.
Shuningdek, mavsumni betalafot va muammolarsiz o‘tkazish, mavjud kamchiliklarni o‘z vaqtida bartaraf etish hamda ta’lim oluvchilar uchun qulay muhitni ta’minlash masalalari yuzasidan tegishli vazifalarga e’tibor qaratildi.
Zero, ta’lim muassasalarida issiqlik va qulay sharoitni ta’minlash — bolalar salomatligi, ta’lim sifati va kelajagimizga bo‘lgan e’tibor ifodasidir.
Xalq deputatlari Sardoba tumani Kengashi — xalq manfaatlari yo‘lida!