Xalq deputatlari tuman Kengashi deputati, Kengash kotibiyati mudiri E. Mirzayev tomonidan Mahalliy Kengash deputati faoliyatining eng muhim yo‘nalishlari bo‘yicha TAVSIYALAR asosida “Shieli” OFYdagi oilaviy shifokorlik punktida aholining davlat tomonidan bepul beriladigan dori vositalari bilan ta’minlanish holati o‘rganildi.

🔹 O‘rganish davomida aholiga tibbiy xizmat ko‘rsatish jarayoni, shuningdek, belgilangan tartibda bepul berilishi lozim bo‘lgan dori vositalarining mavjudligi va ulardan foydalanish imkoniyatlariga e’tibor qaratildi.

🔹 Shuningdek, dori vositalarini ehtiyojmand fuqarolarga belgilangan tartib asosida yetkazib berish, shifokor tavsiyasi va retseptlari asosida dori-darmonlarni olish jarayoni hamda bu boradagi hujjatlarning yuritilishi ko‘zdan kechirildi.

🔹 Aholining murojaatlari, ayniqsa, ijtimoiy himoyaga muhtoj fuqarolarning dori vositalariga bo‘lgan ehtiyojini o‘z vaqtida aniqlash va tegishli choralar ko‘rish masalalariga alohida e’tibor qaratildi.

Amaldagi tartibga ko‘ra, oilaviy shifokorlik punktlari va oilaviy poliklinikalarda davlat tomonidan bepul beriladigan dori vositalari hamda tibbiyot buyumlari haqida fuqarolar uchun ma’lumot olish imkoniyati mavjud.

📌 O‘rganish yakunida aholiga bepul dori vositalarini yetkazib berish tizimini yanada takomillashtirish, murojaatlar bilan ishlash samaradorligini oshirish hamda belgilangan tartib va talablarning to‘liq bajarilishini ta’minlash yuzasidan tegishli tavsiya va takliflar bildirildi.

Aholining sifatli tibbiy xizmat va zarur dori vositalaridan foydalanish imkoniyatini ta’minlash — deputatlik nazoratining muhim yo‘nalishlaridan biridir.