Deputatlik faoliyatining muhim yo‘nalishi — mahalladagi muammolarni joyida o‘rganish va ularning amaliy yechimiga ko‘maklashishdir.

♻️Xalq deputatlari Zangiota tumani Kengashining 6-okrug deputati T.Xoliqov hududdagi “Xo‘jamozor” va “Zarafshon” mahalla fuqarolar yig‘inlari raislari bilan uchrashib, mahallalardagi mavjud muammolar va ularni bartaraf etish masalalarini o‘rgandi.

♻️Muloqot davomida har ikki mahalla hududidagi ko‘chalar, ijtimoiy soha obyektlari atrofi hamda aholi yashash punktlarini obodonlashtirish, daraxtlarga shakl berish va ularni oqlash, hududlarni chiqindilardan tozalash kabi masalalar muhokama qilindi.

♻️Shuningdek, mahalla faollari va nuroniylar ishtirokida hasharlar tashkil etish, aholi o‘rtasida ekologik madaniyatni yuksaltirish hamda hududlarning sanitariya holatini yaxshilash bo‘yicha aniq vazifalar belgilab olindi.