#Deputatlik_nazorati
#Kotibiyat_hududlarda

Qoryog‘di mahallasidagi infratuzilma va ijtimoiy masalalar joyida o‘rganildi

🇺🇿 Xalq deputatlari Uchtepa tumani Kengashi tomonidan deputatlik nazorati doirasida Qoryog‘di mahallasida infratuzilma va aholini qiynayotgan dolzarb masalalar joyiga chiqib o‘rganildi.

📇 Mahallada 10 ta ko‘cha, 516 ta xonadon, 1 135 ta oila hamda 4 130 nafar fuqaro istiqomat qiladi. O‘rganish davomida fuqarolar tomonidan bir qator muhim masalalar ko‘tarilib, ularni hal etish yuzasidan tegishli choralar belgilandi.

💼 Ushbu o‘rganishda xalq deputatlari Uchtepa tumani Kengashi kotibiyati mudiri, deputat Anvar Usmanov hamda Kengash kotibiyati bosh mutaxassisi Zarnigor Kuziyeva ishtirok etdi.

‼️ Fuqarolar tomonidan Tor Yakdil hamda Proyezd Xondamir ko‘chalari kesishmasidagi 500 m.kv. hududni asfaltlashtirish zarurligi bildirildi. Mazkur masala joyiga chiqib o‘rganilib, yo‘lning texnik holati ko‘zdan kechirildi.

📂 Mazkur masala O‘zbekiston Respublikasining "Avtomobil yo‘llari to‘g‘risida"gi Qonuni, shuningdek, yo‘l infratuzilmasini rivojlantirish va hududlarni kompleks obodonlashtirishga qaratilgan davlat dasturlari talablari asosida ko‘rib chiqilib, tegishli ijro organlariga deputatlik so‘rovi kiritilishi belgilandi.