Mahalladagi ishlar o‘rganildi

Xalq deputatlari Qiziriq tumani Kengashi kotibiyati bosh mutaxassisi A.Mamarajabov o‘ziga biriktirilgan deputat M.Juraqulovaning saylov okrugi hududidagi "Rabotak" mahallasiga tashrif buyurib, mahalla raisi tomonidan hududni ijtimoiy-iqtisodiy rivojlantirish, obodonlashtirish, aholi murojaatlari bilan ishlash hamda fuqarolar farovonligini oshirish borasida amalga oshirilayotgan ishlar bilan yaqindan tanishdi.

O‘rganish davomida mahallada mavjud muammolar, ularni bartaraf etish bo‘yicha ko‘rilayotgan chora-tadbirlar hamda istiqbolda amalga oshirilishi rejalashtirilgan vazifalar yuzasidan mas’ullar bilan fikr almashildi.

Shuningdek, aniqlangan masalalarni tegishli tashkilotlar bilan hamkorlikda hal etish, aholi murojaatlariga o‘z vaqtida yechim topish hamda deputatlik nazorati doirasida hududdagi ishlar samaradorligini yanada oshirish yuzasidan tegishli taklif va tavsiyalar bildirildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram