Xalq deputatlari Marg‘ilon shahar Kengashi deputati, 21-B. Marg‘iloniy saylov okrugi deputati R.Alijonova hamda Kengash kotibiyati bosh mutaxassisi N.Akbarova tomonidan B. Marg‘iloniy mahalla fuqarolar yig‘ini hududida o‘rganish ishlari olib borildi.

Mazkur o‘rganish O‘zbekiston Respublikasi Prezidentining PQ–406-son qarori, O‘zbekiston Respublikasi Oliy Majlisi Senati Kengashining KQ–35–V-son qarori hamda mahalliy Kengash deputati faoliyatining eng muhim yo‘nalishlari bo‘yicha belgilangan 24 ta tavsiya ijrosini ta’minlash maqsadida tashkil etildi.

O‘rganish davomida mahalladagi xotin-qizlar faoli tomonidan amalga oshirilayotgan ishlar samaradorligi, xotin-qizlarni ijtimoiy qo‘llab-quvvatlash, ularning bandligini ta’minlash, muammolarini o‘z vaqtida aniqlash va hal etish borasida amalga oshirilayotgan ishlar atroflicha tahlil qilindi.

Shuningdek, mahallada "Ayollar daftari" bilan ishlash tizimi, ehtiyojmand xotin-qizlarga ko‘rsatilayotgan amaliy yordam, ularning murojaatlarini o‘rganish va mavjud muammolarni bartaraf etish yuzasidan olib borilayotgan ishlar joyiga chiqqan holda ko‘zdan kechirildi.

O‘rganish yakunlari bo‘yicha aniqlangan masalalar yuzasidan tegishli tavsiya va takliflar berildi hamda xotin-qizlarni har tomonlama qo‘llab-quvvatlash, davlat dasturlari ijrosini sifatli ta’minlash va mahalladagi ijtimoiy muammolarni bartaraf etish borasidagi ishlarni yanada kuchaytirish zarurligi ta’kidlandi. Xalq deputatlari Marg‘ilon shahar Kengashi tomonidan bu yo‘nalishdagi deputatlik nazorati davom ettiriladi.