Fuqarolar murojaatlari tinglandi

Xalq deputatlari tuman Kengashi deputati U.Yangiboyev tomonidan “Xomkon” mahallasi aholisi uchun navbatdagi fuqarolar qabuli tashkil etildi.

Qabul davomida fuqarolar tomonidan ichimlik suvi ta’minoti, yo‘l va infratuzilma masalalari, bandlik, ijtimoiy qo‘llab-quvvatlash hamda boshqa yo‘nalishlardagi murojaatlar tinglandi. Har bir murojaat yuzasidan tegishli tushuntirishlar berilib, yechimi vaqt talab etadigan masalalar nazoratga olindi.

Shuningdek, ayrim murojaatlar bo‘yicha mutasaddi tashkilotlarga deputatlik so‘rovlari yuborish va tegishli choralar ko‘rish yuzasidan kelishib olindi.

Fuqarolar qabulida aholini qiynab kelayotgan muammolarni o‘rganish, ularning qonuniy manfaatlarini himoya qilish hamda mavjud masalalarga amaliy yechim topish masalalariga alohida e’tibor qaratildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram