9-iyun – Xalqaro arxivlar kuni

Hurmatli arxiv sohasi xodimlari va faxriylari!

Sizlarni 9-iyun – Xalqaro arxivlar kuni munosabati bilan samimiy muborakbod etamiz. Arxivlar xalqimizning boy tarixi, milliy qadriyatlari va bebaho merosini asrab-avaylashda muhim o‘rin tutadi.

Yurtimizning kechmishi, buguni va kelajagini bog‘lovchi noyob hujjatlarni saqlash, ularni ilmiy muomalaga kiritish hamda kelgusi avlodlarga yetkazishdek sharafli va mas’uliyatli vazifa aynan sizlarning fidokorona mehnatingiz bilan amalga oshirilmoqda.

Mamlakatimizda arxiv ishini rivojlantirish, sohani raqamlashtirish va zamonaviy talablar asosida takomillashtirish borasida olib borilayotgan islohotlarda sizlarning munosib hissangiz alohida e’tirofga loyiq.

Shu munosabat bilan barcha arxiv sohasi xodimlariga mustahkam sog‘lik, oilaviy baxt-saodat, mas’uliyatli va sharafli faoliyatlarida ulkan muvaffaqiyatlar tilaymiz.

Xalq deputatlari Uzun tumani Kengashi