❗️“Mahalla yettiligi” bilan hamkorlik – hududiy muammolar yechimining muhim omili

✨ Xalq deputatlari Olmazor tumani Kengashi raisi Shaxnoza Umarxodjayeva tomonidan Olmazor tumanidagi "Yuqori Beshqo‘rg‘on” mahallasida "mahalla yettiligi" bilan uchrashuv tashkil etilib, Mahalliy Kengash deputatlari faoliyatining eng muhim 24 ta yo‘nalishi asosida hududdagi ijtimoiy-iqtisodiy holat, infratuzilma va fuqarolarni qiynab kelayotgan dolzarb masalalar yuzasidan manzilli o‘rganishlar olib borildi.

📍 Uchrashuvda mahalla faollari, “mahalla yettiligi” a’zolari hamda kotibiyat xodimlari ishtirok etib, hudud rivoji va aholi farovonligini oshirishga qaratilgan masalalar atroflicha muhokama qilindi.

🔎 Xususan, yoshlar bandligini ta’minlash, mahalladagi yoshlar yetakchilari faoliyati samaradorligi, aholiga sifatli tibbiy xizmat ko‘rsatish, bepul dori vositalari bilan ta’minlash, ijtimoiy himoyaga muhtoj qatlamlarga ko‘rsatilayotgan yordam, hokim yordamchilari faoliyati, oilaviy tadbirkorlikni rivojlantirish hamda aholi bandligini oshirish borasidagi ishlar tahlil qilindi.

🌳 Mahallalardagi park va xiyobonlar holati, bolalar va yoshlar uchun sport maydonchalari, ta’lim muassasalarining sport zallari va jihozlanganlik darajasi, jamoat transporti qatnovi, avtobus bekatlarining qulayligi, madaniyat muassasalari hamda kutubxonalar faoliyati kabi yo‘nalishlarga ham alohida e’tibor qaratildi.

🤝 Xalq deputatlari Olmazor tumani Kengashi raisi Sh.Umarxodjayeva tomonidan fuqarolar bilan doimiy muloqot qilish, mahalladagi muammolarni joyida aniqlash va ularni tizimli hal etish hamda “mahalla yettiligi” bilan hamkorlikni kuchaytirish orqali hudud rivojiga amaliy hissa qo‘shish deputatlik faoliyatining muhim ustuvor yo‘nalishlaridan biri ekani alohida ta’kidlandi.

✅ Yakunda nuroniylar bilan samimiy muloqot qilinib, ularning hayot yo‘li, jamiyat ravnaqi yo‘lidagi fidokorona mehnati, bugungi tinch va farovon hayotimiz barqarorligiga qo‘shgan hissasi alohida e’tirof etildi. Keksalarimizning boy hayotiy tajribasi, donishmandligi va ezgu duolari yosh avlod uchun ibrat maktabi ekani ta’kidlanildi.