Puqaralardıń turmıs sapasın jaqsılawda hám aymaqlardıń infrastrukturasın rawajlandırıwda «Baslamalı byudjet» processi arqalı ámelge asırılıp atırǵan joybarlar áhmiyetli orın iyeleydi. Bul process arqalı xalıqtıń usınısları tiykarında eń zárúr máselelerge qarjı ajıratılıp, ámeliy jumıslar iske asırılmaqta.

Sonıń biri sıpatında, «Baslamalı byudjet» processiniń 2026-jıl 1-máwsiminde jeńimpaz bolǵan Bozataw–Kókshiel avtomobil jolınıń “Sarı oymawıt” awılı hám «Kókshiel» elatı aymaǵındaǵı 4-9 kilometr aralıǵın qayta ońlaw (asfaltlaw) joybarı boyınsha qurılıs jumısları baslandı.

Usı múnásibet penen Xalıq deputatları Bozataw rayonlıq Keńesiniń 10-sanlı «Kókshiel» saylaw okruginen (Adolat SDP) saylanǵan deputatı G.Tileumuratova hám rayonlıq Keńes sekretariatı baslıǵı A.Ibragimov joybar ámelge asırılıp atırǵan aymaqqa barıp, deputatlıq qadaǵalaw islerin alıp bardı.

Qadaǵalaw dawamında jumıslardıń sapası, qurılıs materiallarınıń standartqa sáykesligi hám orınlanıw muddetlerine ayrıqsha itibar qaratıldı. Sonday-aq, joybar boyınsha juwapker uyımlar menen pikir almasılıp, jumıslardı sapalı hám óz waqtında juwmaqlaw boyınsha tiyisli usınıslar berildi.

Atap ótiw kerek, usı joybar puqaralar tárepinen kóplegen dawıs jıynap, jeńimpaz dep tabılǵan bolıp, onıń ámelge asırılıwı “Sarı oymawıt” awılı hám «Kókshiel» elatı turǵınlarınıń qatnawın jeńillestiriwge, transport qatnasların jaqsılawǵa hám aymaq infrastrukturasınıń bunnan bılay rawajlanıwına xızmet etedi.


Deputatlar tárepinen «Baslamalı byudjet» processi arqalı ámelge asırılıp atırǵan joybarlarda deputatlıq qadaǵalaw jumısları dawam etip, ajıratılǵan qarjılardıń maqsetli jumsalıwı hám jumıslardıń sapalı orınlanıwı ústinen turaqlı baqlaw alıp barıladı.