✅“Qo‘qon” erkin iqtisodiy zonasi hamda katta va kichik sanoat zonalarida faoliyat yuritayotgan 1, 2 va 3-toifaga mansub ishlab chiqarish korxonalaridagi ekologik talablar ijrosi holati o‘rganildi. O‘zbekiston Ekologik partiyasi tuman Kengashidagi deputatlik guruhi rahbari Bobirjon Begaliyev, a’zolari Avazbek Raxmonov, Umarbek Karimov hamda Ekologiya bo‘yicha mutaxassis Davronjon Raximov o‘rganishlari davomida hududda ro‘yxatdan o‘tib faoliyat yuritayotgan ishlab chiqarish korxonalarida ekologik
qonunchilik talablariga rioya etilishiga e’tibor qaratdilar. O‘zbekiston Respublikasi Prezidentining 2023-yil 31-maydagi PF–81-son Farmoni hamda 2025 yil 18 apreldagi PF–67-son Farmoni talablarining ijrosi yuzasidan korxonalarda amalga oshirilayotgan ishlar tahlil qilindi. 

✅Tahlil xulosalariga ko‘ra: ifloslantiruvchi manbaalardan chiqadigan tashlamalarni tahlil qiluvchi avtomatik monitoring stansiyalari o‘rnatish bo‘yicha majburiy ko‘rsatmalar berilgan. 29 ta xo‘jalik yurituvchi subyekt tomonidan hozirda 34 ta chang-gaz ushlash qurilmalari (filtlar) olib kelib o‘rnatilgan. 

✅Aniqlangan kamchiliklarni bartaraf etish yuzasidan tegishli korxona va tashkilotlarga tavsiyalar kiritiladigan bo‘ldi. 

Ya’ni Ekologik nazorat bo‘yicha: 

– avtomatik monitoring stansiyalarini belgilangan muddatlarda o‘rnatish; 

– stasionar kuzatuv postlari bilan jihozlash ishlarini yakunlash; 

– tashlamalarni doimiy nazorat qilish tizimini joriy etish. 

Texnik tadbirlar bo‘yicha: 

– chang-gaz tozalash uskunalarini modernizatsiya qilish; 

– lokal suv tozalash inshootlarini yangilash va samaradorligini oshirish. 

Tashkiliy tadbirlar bo‘yicha: 

– korxonalarda ekologik qonunchilik talablariga rioya etilishi ustidan
muntazam monitoring olib borish; 

– ekologik talablarni buzgan subyektlarga nisbatan qonunchilikda
belgilangan choralarni qo‘llash. 

✅O‘rganuv xulosalari va natijalar xalq deputatlari Uchko‘prik tumani Kengashining “Agrar, suv xo‘jaligi va ekologiya masalalari bo‘yicha” doimiy komissiyasida ko‘rib
chiqiladi. 

  Xalq deputatlari Uchko‘prik tumani Kengashi