O'rganish jarayonida hududlarda ichimlik suvi ta’minoti holati, mavjud tarmoqlarning texnik ahvoli, suv bosimi hamda aholini uzluksiz ichimlik suvi bilan ta’minlash masalalari atroflicha o‘rganildi.

Shu bilan birga, tuman Kengashi deputatlariga fuqarolardan ichimlik suvi ta’minoti yuzasidan kelib tushayotgan murojaatlar soni ortib borayotgani, ayrim hududlarda suv ta’minotida uzilishlar va sifat bilan bog‘liq muammolar saqlanib qolayotgani qayd etildi. 

Mas’ulzarga mavjud muammolarni bartaraf etish, infratuzilmani bosqichma-bosqich yangilash, nosoz tarmoqlarni ta’mirlash hamda murojaatlar bilan ishlash tizimini yanada kuchaytirish yuzasidan aniq topshiriqlar berildi.

Shuningdek, ichimlik suvi ta’minoti bo‘yicha ishlarni jadallashtirish, har bir murojaatga o‘z vaqtida va sifatli yechim topish zarurligi hamda ushbu murojaatlar natijalari xalq deputatlari tuman Kengashi doimiy komissiyalari muhokamasiga kiritilishi alohida ta’kidlandi.

Uchrashuv yakunida mazkur yo‘nalishdagi ishlarni deputatlik va jamoatchilik nazoratida doimiy ravishda monitoring qilib borish belgilab olindi.