Xalq deputatlari Marg‘ilon shahar Kengashi deputatlari hamda Kengash huzuridagi Yoshlar maslahat guruhi faollari ishtirokida A.Navoiy mahallasida joylashgan “Drujba” uy-joy qurilish shirkati faoliyati o‘rganildi.

O‘rganish jarayonida ko‘p qavatli uylarning texnik holati, kirish yo‘laklari va yerto‘lalarning saqlanishi, tom qoplamalari, ichki muhandislik tarmoqlari, sanitariya holati hamda aholiga ko‘rsatilayotgan xizmatlar sifati atroflicha ko‘zdan kechirildi.

Shuningdek, mahalla aholisi bilan suhbatlar o‘tkazilib, mavjud muammolar, to‘lovlar tizimi va ko‘rsatilayotgan xizmatlar sifati yuzasidan ularning fikr-mulohazalari tinglandi.

Deputatlar tomonidan shirkatning shartnoma asosidagi majburiyatlari, bajarilgan ishlar hajmi oʻrganildi.

O‘rganish yakunlari bo‘yicha aniqlangan muammolar yuzasidan tegishli vazifalar belgilab olinib, ularning ijrosi deputatlar tomonidan nazoratga olinishi ta’kidlandi.