Qishloq xo`jaligi xodimlari kuni munosabati bilan Jalaquduq tumanida bayram tadbiri o`tkazildi. Tadbirda soha fidoyilariga hurmat va e`tibor ko`rsatilib, yil davomida samarali mehnat qilgan ilg`or xodimlar hamda tashabbuskor fermer va dehqonlar taqdirlandi. Bayramda rahbarlar tomonidan soha vakillariga samimiy tabrik va ezgu tilaklar bildirildi. Shuningdek, tadbir ko`tarinki kayfiyatda o`tib, madaniy chiqishlar, o`yin-kulgular bayramga yanada fayz bag`ishladi. Tadbirda tuman Kengashi raisi H.Latipov boshchiligida bir gurux deputatlari ishtirok etdi. Qishloq xo`jaligi xodimlari kuni munosabati bilan tashkil etilgan bayram tadbiri doirasida soha vakillarini taqdirlash marosimi bo`lib o`tdi. Marosimda tumanimizda qishloq xo`jaligini rivojlantirish, hosildorlikni oshirish, aholi bandligini ta`minlash va tomorqa
hamda fermer xo`jaliklari faoliyatini qo`llab-quvvatlash borasida munosib hissa qo`shib kelayotgan ilg`or fermer va dehqonlar, mexanizatorlar hamda soha mutaxassislari e`tirof etildi. Mehnatda namuna bo`layotgan fidoyi insonlarga faxriy yorliq va esdalik sovg`alari topshirilib, ularga kelgusida ham barakali mehnat, mustahkam salomatlik va yangi yutuqlar tilandi.Tuman Kengashi deputati Rayimqulova Santalatxon “Eng ilg`or fermer” ko`krak nishoni bilan taqdirlandi.