Kattaqo‘rg‘on tumanidagi “Uyshun” mahalla fuqarolar yig‘inida tashkil etilgan yuzma-yuz muloqotda saylovchilar o‘zlarini qiynab kelayotgan ayrim muammoli masalalarni o‘rtaga tashlab, ularning yechimi yuzasidan deputatga murojaat etishdi.

Xususan, sayyor qabulda fuqaro Xasan Abdullayev hududdagi 102-umumta’lim maktabi moddiy texnik bazasini mustahkamlash uchun stol va stullar xarid qilib olish lozimligini bildirdi.

Hikmat bobo Ergashev yo‘llarda ro‘y berishi mumkin bo‘lgan turli ko‘ngilsiz hodisalarning oldini olish uchun yo‘l chetida piyodalar harakatlanadigan maxsus yo‘lakcha tashkil etish taklifini ilgari surdi.