Xalq deputatlari Yangiobod tuman Kengashi deputati A.Isroilov tomonidan Sovot QFYda foydalanishga topshirilgan street workout maydonchasining holati o‘rganildi.

O‘rganish davomida sport maydonchasida o‘rnatilgan trenajyorlar va sport jihozlarining texnik holati, foydalanishga yaroqliligi hamda xavfsizlik talablariga muvofiqligi ko‘zdan kechirildi.

Shuningdek, maydonchaning obodonlashtirilganligi, hududning tozaligi, yoritilishi, jihozlarning mustahkam o‘rnatilganligi hamda yoshlar va aholi tomonidan undan foydalanish imkoniyatlari o‘rganildi.

Deputat tomonidan mazkur sport maydonchasidan yoshlarning bo‘sh vaqtini mazmunli tashkil etish, jismoniy faolligini oshirish va sog‘lom turmush tarzini targ‘ib etishda samarali foydalanish masalalariga e’tibor qaratildi.

Maydonchani doimiy ravishda nazorat qilish, sport jihozlarini asrab-avaylash, aniqlangan kamchiliklarni o‘z vaqtida bartaraf etish hamda hududning obodonligini saqlash yuzasidan mas’ullarga tegishli tavsiyalar berildi.