#Kengash_raisi
#24_ta_tavsiyalar_ijrosi
#haftalik_ish_reja_ijrosi

14-MAKTABDA SPORT ZALLARI VA SPORT ANJOMLARI HOLATI O‘RGANILDI

Xalq deputatlari Termiz tuman Kengashi raisi S. Nazarov tomonidan 11-Sabzipoya saylov okrugi deputati S. Ikromov saylangan Sabzipoya MFY hududidagi 14-sonli umumiy o‘rta ta’lim maktabida “Mahalliy Kengash deputati faoliyatining eng muhim yo‘nalishlari bo‘yicha tavsiyalar” ijrosi yuzasidan o‘rganish olib borildi.

O‘rganish davomida maktabdagi sport zallarining mavjudligi, ularning jihozlanish darajasi, sport anjomlarining holati hamda o‘quvchilar uchun jismoniy tarbiya mashg‘ulotlarini samarali tashkil etishga yaratilgan sharoitlar ko‘zdan kechirildi.

Shuningdek, sport zallaridan foydalanish samaradorligi, o‘quvchilarni sport mashg‘ulotlariga keng jalb etish va yoshlar o‘rtasida sog‘lom turmush tarzini targ‘ib qilish masalalariga e’tibor qaratildi.

O‘rganishdan maqsad — ta’lim muassasasida sport bilan shug‘ullanish uchun munosib sharoitlarni ta’minlash, mavjud kamchiliklarni aniqlash hamda ularni bartaraf etish choralarini belgilashdan iborat.