Xalq deputatlari Qo‘qon shahar Kengashiga 22-“Charxini ko‘prigi” saylov okrugidan saylangan deputat G.Rasulova tomonidan “Yalang‘och ota” mahalla fuqarolar yig‘inida mahalla raisi N.Aliyevning faoliyati yuzasidan o‘rganish ishlari olib borildi.

O‘rganish davomida mahalla raisining fuqarolar murojaatlari bilan ishlash faoliyati, hududdagi mavjud muammolarni aniqlash va hal etish borasidagi ishlari, shuningdek, mahallaning ijtimoiy-iqtisodiy rivojlanishi hamda obodonlashtirish masalalariga e’tibor qaratildi.

Shuningdek, aholi bilan muloqotni samarali tashkil etish, fuqarolarni qiynayotgan masalalarni o‘z vaqtida o‘rganish va ularni hal etishda “mahalla yettiligi” bilan hamkorlikni kuchaytirish yuzasidan fikr almashildi.

O‘rganish yakunida aniqlangan masalalar bo‘yicha tegishli tavsiya va takliflar bildirilib, ularning ijrosi hamda mahallada olib borilayotgan ishlar deputatlik nazoratiga olindi.

Xalq deputatlari Qo‘qon shahar Kengashi