#Kotibiyat_Mudir_ish_reja_ijrosi
#Tashkilot_bilan_hamkorlik
#Haftalik_ish_reja
#Kunlik_ish_reja

BANDLIKNI TA’MINLASH VA BARQAROR ISH O‘RINLARINI YARATISH BO‘YICHA SHTAB FAOLIYATI O‘RGANILDI.

Angor tumanida aholi bandligini ta’minlash, kambag‘allikni qisqartirish hamda fuqarolar daromadlarini oshirish borasida amalga oshirilayotgan ishlar deputatlik nazorati doirasida o‘rganildi.

Xalq deputatlari Angor tumani Kengashi kotibiyati mudiri M. Yarmatov tomonidan tuman hokimligida tashkil etilgan barqaror ish o‘rinlarini yaratish bo‘yicha shtab faoliyati o'rganildi.O‘rganish davomida aholi bandligini ta’minlash, tadbirkorlikni rivojlantirish va yangi daromad manbalarini shakllantirish borasida amalga oshirilayotgan ishlar, mavjud imkoniyatlar hamda belgilangan vazifalar ijrosi tahlil qilindi.

Jarayonda “Mikrokreditbank” aksiyadorlik-tijorat banki Angor filiali boshqaruvchisi G‘ayrat Choriyevning aholi bandligini ta’minlash va tadbirkorlik tashabbuslarini qo‘llab-quvvatlashdagi ishtiroki masalalariga ham e’tibor qaratildi.

Jumladan, fuqarolarga tadbirkorlik faoliyatini yo‘lga qo‘yish uchun kredit imkoniyatlari haqida tushuntirish berish, oilaviy tadbirkorlik loyihalarini moliyalashtirish, o‘zini o‘zi band qilish tashabbuslarini qo‘llab-quvvatlash hamda yangi ish o‘rinlarini yaratishga ko‘maklashish masalalari muhokama qilindi.