Xalq deputatlari Qo‘qon shahar Kengashi deputati M.Mavlonqulov tomonidan “Achchiqko‘l” mahalla fuqarolar yig‘ini, Achchiqko‘l ko‘chasi 18-B-uyda faoliyat yurituvchi tadbirkorning ishlab chiqarish faoliyati bilan tanishildi.

O‘rganish davomida tadbirkor M.Xazratqulov tomonidan “Duolayf” brendi ostida turli hajmdagi ichimlik suvlarini qadoqlab ishlab chiqarishga ixtisoslashgan kichik korxona 2020-yilda ishga tushirilgani ma’lum bo‘ldi.

️Biroq, hozirgi kunda elektr ta’minoti bilan bog‘liq muammolar sababli korxona faoliyati vaqtincha to‘xtab qolgan. Mazkur holat joyiga chiqqan holda o‘rganilib, tadbirkorlik faoliyatini qayta yo‘lga qo‘yish uchun mavjud muammolarni bartaraf etish masalasi muhokama qilindi.

Tadbirkorning faoliyatini qayta tiklashiga amaliy ko‘mak ko‘rsatish, elektr ta’minoti bilan bog‘liq masalani o‘rganish hamda tegishli choralarni ko‘rish maqsadida Qo‘qon shahar hokimining birinchi o‘rinbosariga deputatlik so‘rovi yuborish belgilandi.

Mazkur masala deputat nazoratiga olinib, tadbirkorlik subyektining faoliyatini qayta tiklash yuzasidan tegishli ishlar davom ettiriladi.

Xalq deputatlari Qo‘qon shahar Kengashi