KAMBAG‘ALLIKNI QISQARTIRISH ISHLARI O‘RGANILDI

Xalq deputatlari Termiz tuman Kengashi raisi S. Nazarov tomonidan 13-Mehnatobod saylov okrugi deputati N. Ilmurodova saylangan Navro‘z MFY hududida o‘rganish olib borildi.

O‘rganish davomida “Mahalliy Kengash deputati faoliyatining eng muhim yo‘nalishlari bo‘yicha tavsiyalar”ning 4-bandi ijrosi, xususan, mahallada hokim yordamchisi tomonidan amalga oshirilayotgan ishlarning samaradorligi hamda aholini kambag‘allikdan chiqarish, oilalarning daromad manbalarini oshirish va bandligini ta’minlash borasidagi ishlar holati o‘rganildi.

Shuningdek, kambag‘al oilalarni aniqlash, ularning muammolarini individual o‘rganish, mavjud imkoniyatlardan kelib chiqib daromadli mehnatga jalb etish, tadbirkorlik va tomorqachilik faoliyatini yo‘lga qo‘yishga ko‘maklashish ishlari ko‘rib chiqildi.

Aniqlangan masalalar yuzasidan mas’ullarga tegishli tavsiya va topshiriqlar berilib, amalga oshirilayotgan ishlarning natijadorligi deputatlik nazoratiga olindi.