YOSHLAR ISHLARI AGENTLIGINING NAMANGAN SHAHAR BO‘LIMIDA TEGISHLI QAROR VA TOPSHIRIQLAR IJROSI HOLATI O‘RGANILDI

Sessiya kun tartibiga kiritilgan masala yuzasidan O‘zbekiston Respublikasi Yoshlar ishlari agentligining Namangan shahar bo‘limida tegishli qonun hujjatlari, xalq deputatlari mahalliy Kengashi qarorlari hamda yuqori turuvchi tashkilotlar tomonidan berilgan topshiriqlarning ijro holati joyiga chiqqan holda o‘rganildi.

O‘rganish davomida bo‘lim tomonidan yoshlarga oid davlat siyosatini amalga oshirish, yoshlarning muammolarini aniqlash va hal etish, bandligini ta’minlash, tadbirkorlik tashabbuslarini qo‘llab-quvvatlash, ijtimoiy himoyaga muhtoj hamda ishsiz yoshlar bilan ishlash borasida amalga oshirilgan ishlar tahlil qilindi.

Shuningdek, belgilangan vazifalarning ijrosi, maqsadli ko‘rsatkichlarga erishish holati, yuritilgan hujjatlar hamda hisobot ma’lumotlarining haqqoniyligi o‘rganilib, mavjud muammo va kamchiliklar yuzasidan tegishli taklif va tavsiyalar ishlab chiqildi.

O‘rganish natijalari bo‘yicha aniqlangan holatlar umumlashtirilib, sessiya muhokamasiga kiritish uchun tegishli xulosa va takliflar tayyorlandi.