Xalq deputatlari tuman Kengashi deputati L.Mustafakulova tomonidan hududda aholi bilan psixologik yordam ko‘rsatish tizimini takomillashtirishga qaratilgan O‘zbekiston Respublikasi Qonuni ijrosi yuzasidan amalga oshirilayotgan ishlar bilan tanishildi.

O‘rganish davomida aholiga psixologik xizmat ko‘rsatishning amaldagi holati, mutaxassislar bilan ta’minlanganlik darajasi hamda fuqarolarning ushbu xizmatdan foydalanish imkoniyatlari tahlil qilindi.

Shuningdek, mahallalar kesimida psixologik yordamga muhtoj bo‘lgan aholi qatlamlari bilan ishlash, ularga individual yondashuvni kuchaytirish, yoshlar va xotin-qizlar bilan profilaktik tushuntirish ishlarini yanada samarali tashkil etish masalalariga alohida e’tibor qaratildi.

Deputat tomonidan mas’ul tashkilotlarga aholi murojaatlari bilan ishlash tizimini yanada kuchaytirish, psixologik xizmat sifatini oshirish hamda qonunchilikda belgilangan vazifalar ijrosini ta’minlash yuzasidan tafsiyalar berildi.