Xalq deputatlari Chilonzor tumani Kengashi deputati Maxmudova Donoxon Artikovna tomonidan 2-Charx Kamolon mahallasida istiqomat qiluvchi fuqarolarning murojaatlari asosida ko‘p qavatli uylarning texnik holati o‘rganilib, aniqlangan muammolar yuzasidan tegishli choralar ko‘rildi.

Deputat nazorati ostida olib borilgan amaliy ishlar natijasida mahalladagi 15- va 16-sonli ko‘p qavatli uylarning tom qismlarida joriy ta’mirlash ishlari to‘liq amalga oshirildi.

Ta’mirlash jarayonida tom qismidagi mavjud kamchiliklarni bartaraf etish, uning texnik holatini yaxshilash hamda mavsumiy yog‘ingarchiliklarning salbiy ta’siridan uy-joylarni muhofaza qilishga alohida e’tibor qaratildi.

Amalga oshirilgan mazkur ishlar ko‘p qavatli uylarning foydalanish holatini yaxshilash, fuqarolar uchun qulay va xavfsiz yashash sharoitlarini ta’minlashga xizmat qiladi.

Deputat tomonidan hududdagi mavjud muammolarni o‘rganish, ularni tegishli tashkilotlar bilan hamkorlikda bartaraf etish va amalga oshirilayotgan ishlar ustidan nazoratni davom ettirish belgilangan.