Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston “Milliy tiklanish” demokratik partiyasidan saylangan deputat D.Xolmurotov tomonidan tumanning “Dadaboyev” mahallasida joylashgan 46-sonli umumta’lim maktabining kuz-qish mavsumiga tayyorgarlik holati o‘rganildi.

🔺O‘rganish davomida maktabda mavjud issiqlik tizimining sozligi tekshirilganligi, qozonxona ko‘rikdan o‘tkazilganligi ma’lum qilindi. Shuningdek, maktabning isitish tizimi uchun zarur bo‘lgan ko‘mir yoqilg‘isi zaxirasi yaratilgani o‘rganildi. Yoqilg‘i zaxirasining mavjudligi sovuq kunlarda ta’lim muassasasini barqaror isitish va o‘quv jarayonini belgilangan tartibda davom ettirish uchun muhim omil hisoblanadi.

🔺Deputat o‘rganish jarayonida maktab ma’muriyati va mas’ul xodimlar bilan suhbatlashib, kuz-qish mavsumida issiqlik tizimidan samarali foydalanish, qozonxonaning texnik holatini muntazam nazorat qilish, yoqilg‘i zaxirasini hisobini yuritish hamda xavfsizlik talablariga qat’iy rioya etish masalalariga e’tibor qaratdi.