“Ogohlik va hamkorlik — odam savdosi hamda kiberjinoyatlarga qarshi kurashning muhim garovi”

Kogon shahrida mazkur mavzuga bag‘ishlangan tadbir bo‘lib o‘tdi. Unda Xalq deputatlari Kogon shahar Kengashi deputatlari M. To‘raboyev, Sh. Isamutdinov va J. To‘rayevlar, “Adolat” SDP Buxoro viloyati hamda Kogon shahar Kengashlari bilan hamkorlikda odam savdosining oldini olish, fuqarolar xavfsizligini ta’minlash va huquqiy targ‘ibotni kuchaytirish masalalarini muhokama qildilar.

Tadbir davomida ichki ishlar organi xodimi tomonidan odam savdosi va bugungi kunning dolzarb muammolaridan biri — kiberjinoyatlar bo‘yicha mazmunli ma’ruza qilindi. Unda zamonaviy texnologiyalardan foydalanayotgan firibgarlarning usullari, internetdagi xavf-xatarlar va ulardan himoyalanish yo‘llari haqida muhim tushunchalar berildi.

Bunday uchrashuvlar fuqarolarning huquqiy bilimini oshirish, hushyorlik va ogohlikni kuchaytirish hamda jinoyatchilikning oldini olishda barcha kuch va vositalarni birlashtirishga xizmat qiladi.

Zero, ogohlik — xavfsizlik, hamjihatlik esa kuchdir!

🟦🟦🟦🟦🟦🟦

Telegram . Instagram . Facebook . Youtube . E-kengash