Bog‘chadagi sharoitlar va bolalar fikri o‘rganildi

Xalq deputatlari Termiz tuman Kengashi 4-Yangihayot saylov okrugi deputati G. Shafoatova o‘zi saylangan Yangihayot MFY hududidagi 4-sonli maktabgacha ta’lim tashkilotida bo‘lib, tarbiyalanuvchilar uchun yaratilgan sharoitlar bilan yaqindan tanishdi.

O‘rganish davomida ota-onalar bilan ochiq muloqot o‘tkazilib, ularning bog‘chadagi sharoitlar, mavjud qulayliklar va ularni yanada yaxshilash bo‘yicha fikr hamda takliflari tinglandi. Bildirilgan masalalar yuzasidan tegishli tavsiya va takliflar berildi.

O‘rganish jarayonida maktabgacha ta’lim tashkilotlarida bolalarning har tomonlama rivojlanishi uchun xavfsiz, qulay va sifatli ta’lim-tarbiya muhitini yaratish muhimligi qayd etildi. Bu boradagi ishlar O‘zbekiston Respublikasining “Maktabgacha ta’lim va tarbiya to‘g‘risida”gi Qonuni talablari asosida tashkil etilishi lozimligi ta’kidlandi.

Aniqlangan masalalar hamda bildirilgan takliflarning ijrosi deputatlik nazorati doirasida kuzatib borilishi belgilandi.