Bozorlardagi oziq-ovqat mahsulotlari narx-navosi va mavjudliligi o‘rganildi

📍 Xalq deputatlari O‘rta Chirchiq tumani Kengashi 18-“Istiqlol” saylov okrugi deputati I.Soliyevga biriktirilgan kotibiyat bosh mutaxassisi Sh.Sidikova tomonidan hududdagi bozorlarda aholi iste’moli uchun eng zarur bo‘lgan oziq-ovqat mahsulotlarining narx-navosi va mavjudligi o‘rganildi.

🍗🥛 O‘rganish davomida bozorlarda kundalik ehtiyoj uchun zarur bo‘lgan un, guruch, o‘simlik yog‘i, shakar, go‘sht, sut va sut mahsulotlari, tuxum, kartoshka, piyoz, sabzi hamda boshqa asosiy oziq-ovqat mahsulotlarining narxlari ko‘zdan kechirildi.

🥖Savdo rastalarida mahsulotlarning yetarliligi, aholining talab va ehtiyojlarini qondirish darajasi hamda mahsulotlarning muntazam ravishda savdoga chiqarilishi holatiga e’tibor qaratildi.

🔰 O‘rganish jarayonida bozor hududida savdo qiluvchi tadbirkorlar hamda xaridorlar bilan suhbatlar o‘tkazilib, mahsulotlarga bo‘lgan talab, narxlarning o‘zgarishi va aholini qiynayotgan masalalar yuzasidan fikr-mulohazalar tinglandi.

✅Xalq deputatlari O'rta Chirchiq tuman Kengashi kotibiyati axborot xizmati!