Prezident saparı — rawajlanıwdıń hám reformalardıń jańa basqıshı

♻️ Ózbekstan XDP Shımbay rayonınlıq Keńesindegi «Xalıq bilimlendiriw bólimi» baslanǵısh partiya shólkeminde Ózbekstan Respublikası Prezidentiniń 2026-jıl 18-19-sentyabrь kúnleri Qaraqalpaqstan Respublikasına bolǵan saparı dawamında belgilep berilgen baslı wazıypalar, bilimlendiriw tarawın bunnan bılay da rawajlandırıw hám sociallıq tarawdı qollap-quwatlawǵa qaratılǵan tapsırmalardıń mazmun-mánisin keń jámiyetshilikke túsintiriwge qaratılǵan ushırasıw ótkerildi.

Ilajda Xalıq deputatları Shımbay rayonlıq Keńesine 24-"Q.Awezov" saylaw okrugınan Ózbekstan Xalıq demokratiyalık partiyasınan saylanǵan deputat, Xalıq deputatları Shımbay rayonlıq Keńesi baslıǵı O.Tolıbekov, rayonlıq Mektepke shekemgi hám mektep bilimlendiriw bólimi baslıǵı U.Kalilaev, Ózbekstan XDP Shımbay rayonlıq Keńesi baslıǵı S.Nurmambetov hám de baslanǵısh partiya shólkemi aǵzaları qatnastı.

✅ Ushırasıw dawamında deputat O.Tolıbekov sózge shıǵıp, mámleketimiz basshısı tárepinen Qaraqalpaqstan Respublikasın sociallıq-эkonomikalıq rawajlandırıw, atap aytqanda, jaslar tálim-tárbiyasınıń sapasın arttırıw, mektepke shekemgi hám mektep bilimlendiriw mákemeleriniń materiallıq-texnikalıq bazasın bekkemlew hám pedagoglardıń jámiyettegi ornın bunnan bılay da arttırıw boyınsha alǵa qoyılǵan baslamalarǵa ayrıqsha toqtap ótti.

🔹Ilaj juwmaǵında Prezident saparı dawamında berilgen tapsırmalardıń orınlanıwın nátiyjeli shólkemlestiriw, bilimlendiriw mákemelerinde belgilengen wazıypalardıń óz waqtında orınlanıwı boyınsha jámiyetlik hám deputatlıq qadaǵalawdı ornatıw boyınsha tiyisli ilajlar belgilep alındı.