Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston “Milliy tiklanish” demokratik partiyasidan saylangan deputat M.Aynashova tomonidan tumanning “Pargos” mahallasida “xonadonbay” o‘rganishlar o‘tkazildi.

🔺O‘rganish jarayonida fuqarolarning kundalik turmushi uchun muhim bo‘lgan ichimlik suvi, elektr energiyasi va tabiiy gaz ta’minoti bilan bog‘liq masalalariga alohida e’tibor qaratildi. Xonadonlarga tashriflar davomida aholi bilan bevosita muloqot qilinib, kommunal xizmatlar sifati va uzluksizligi, mavjud muammolar, ularning qancha vaqtdan buyon davom etayotgani hamda ushbu masalalar yuzasidan mas’ul tashkilotlarga murojaat qilingan-qilinmagani o‘rganildi.

🔺Jumladan, ichimlik suvi ta’minoti bo‘yicha xonadonlarga suvning barqaror yetkazib berilishi, suv bosimi, tarmoqlarning texnik holati, elektr ta’minoti bo‘yicha esa tarmoqlardagi uzilishlar, kuchlanishning barqarorligi, gaz ta’minoti masalasida aholining tabiiy gaz bilan ta’minlanganlik holati, mavsumiy ehtiyojlar, gaz bosimi bilan bog‘liq murojaatlar tinglandi.

🔺Aniqlangan muammolarni tegishli mutasaddi tashkilotlarga yetkazish, ularning bartaraf etilishini nazoratga olish hamda aholi murojaatlariga o‘z vaqtida va amaliy yechim berish bo‘yicha deputatlik nazoratini kuchaytirish belgilandi.