Xalıq deputatları Bozataw rayonlıq Keńesindegi Jergilikli byudjet, isbilermenlikti rawajlandırıw hám ekonomikalıq reformalar máseleleri boyınsha turaqlı komissiyanıń májilisi bolıp ótti.
Májiliste turaqlı komissiya baslıǵı hám aǵzaları, sonday-aq tiyisli taraw wákilleri qatnastı. Májilisti turaqlı komissiya baslıǵı J. Jumanazarov ashıp, alıp bardı.
Kún tártibindegi tiykarǵı másele boyınsha Bozataw rayonı hákiminiń qurılıs, tosqınlıqlarsız ortalıq jaratıw, kommunikaciyalar, kommunal xojalıq, ekologiya hám kóklemzarlastırıw máseleleri boyınsha orınbasarı – Abadanlastırıw basqarması baslıǵı J. Xabibullaevtıń málimlemesi tıńlandı.
Májiliste Bozataw rayonı Abadanlastırıw basqarmasınıń oraylıq kósheler boyında jaylasqan isbilermenlik subyektleri menen dúzilgen shártnamalar tiykarında shıǵındılardı alıp shıǵıw hám aymaqlardı abadanlastırıw xızmetleri ushın tariflerdi tastıyıqlaw máselesi keńnen talqılandı.
Talqılawlar nátiyjesinde másele boyınsha tiyisli pikir hám usınıslar bildirildi.