Xalq deputatlari Taxiatosh tumani Kengashiga Oʻzbekiston Ekologik partiyasidan saylangan deputat Aralbaeva Inkar Karlibayevna “Jayxun” MFYda hokim yordamchisi A.Kudaybergenov tomonidan kambag‘allikni qisqartirish va aholi bandligini ta’minlash yo‘nalishida amalga oshirilayotgan ishlar samaradorligini o‘rganishni davom ettirdi.

🏭 Navbatdagi manzilda A.Atamuratov tomonidan tashkil etilgan “Bereket onimleri” oilaviy korxonasi faoliyati bilan tanishildi. Korxonada stol va stullar ishlab chiqarilib, bugungi kunda mahalladagi 5 nafar fuqaro doimiy ish bilan ta’minlangan.

💼 Ta’kidlanishicha, hokim yordamchisi ko‘magida tadbirkorga 133 million so‘m miqdorida kredit ajratilib, ishlab chiqarish faoliyatini yo‘lga qo‘yish va kengaytirish uchun amaliy yordam ko‘rsatilgan.

🤝 Deputat tadbirkor bilan muloqot qilib, faoliyat davomida uchrayotgan muammolarni tingladi. Suhbat davomida korxonada malakali ishchi kuchi yetishmayotgani asosiy muammolardan biri ekani qayd etildi hamda ushbu masalani hal etish bo‘yicha amaliy ko‘mak so‘raldi.

📍 Bildirilgan taklif va muammolar deputat tomonidan nazoratga olinib, ularni hal etish yuzasidan tegishli tashkilotlar bilan hamkorlikda zarur choralar ko‘rilishi belgilandi.

🌱 Tadbirkorlikni qo‘llab-quvvatlash va yangi ish o‘rinlarini yaratish — aholi bandligini ta’minlash hamda kambag‘allikni qisqartirishning eng muhim omillaridan biridir.