14-BAND IJROSI: Aholini ichimlik suvi bilan ta’minlash — e’tibor markazida

Xalq deputatlari Pastdarg‘om tumani Kengashining navbatdagi sessiyasi kun tartibiga kiritilgan tuman Suv ta’minoti bo‘limi rahbarining hisoboti oldidan hamda deputat faoliyatining eng muhim yo‘nalishlari bo‘yicha Tavsiyalarning 14-bandi ijrosini ta’minlash maqsadida o‘rganish ishlari davom etmoqda.

Sessiya oldi o‘rganishlari doirasida Xalq deputatlari Pastdarg‘om tumani Kengashi deputati M.Kilichov tomonidan Yuqori Bog'onali mahallasidagi ichimlik suvi ta’minoti holati o‘rganildi.

O‘rganish davomida mahalladagi 23 ta ko‘cha kesimida aholi bilan suhbatlar o‘tkazildi.

Mahalla yettiligi va nuroniylar bilan hamkorlikda o‘tkazilgan o‘rganishlar natijasida aholini toza ichimlik suvi bilan to‘liqroq ta’minlash maqsadida qo‘shimcha 2 ta suv minorasi qurish taklifi ilgari surildi.

Mazkur muammolar yuzasidan deputat so'rovi yuborilishi hamda sessiyada tegishli mutasaddilar oldiga masala sifatida qo‘yilib, ularning aniq yechimi va ijrosi nazoratga olinishi belgilandi.